Albisteak

Energiaren Euskal Erakundearen partaidetza duen partzuergoa dugu EuropeWave proiektua, eta deialdi berri bat zabaldu du olatuen energiaren sustatzaileek beren teknologian aurrera egiten jarrai dezaten. Proiektuak deialdia egiten die sustatzaileei EPA Erosketa Publiko Aurrekomertzialerako beren ekarpenak egin ditzaten, 2021eko ekainean zabalduko den lizitazio horri gagozkiola.

Martxoaren 5a, Energia Eraginkortasunaren Munduko Eguna

Ingurumen Sailak hitzarmen bat sinatu du Ekiola Energia Sustapena sozietatearekin. Ekiola, Energiaren Euskal Erakundeak eta Krean ingeniaritzak sortu duten sozietatea da  “ekiolas” izeneko eguzki-parkeak instalatzeko.Ekimenarekin bat egin du Gipuzkoak eta herritar kooperatibak sortuko ditu lurraldean. Kooperatiben bitartez, herritarrek autokontsumorako izango den eguzki-energiaren sorkuntzan eta kudeaketan parte aktiboa hartuko dute, eguzki-parke txikien bitartez.

Gaur egin du urteko Batzar Orokorra INDEUSek, iazko jardunari gainbegiratua eman eta 2021eko erronkak finkatzeko. Industria arloan euskararen erabilera sustatzeko helburuarekin Sprik, EEEk eta Hizkuntza Politikarako Sailburuordetzak sortutako ekimenak dagoeneko 25 enpresa eta elkarte biltzen ditu.

Arabako Foru Aldundiak, Enargiren bidez, indarrak batuko ditu Energiaren Euskal Erakundearekin eta Krean ingeniaritza sustatzailearekin, lurraldean "ekiola" izeneko eguzki-parkeak eraikitzeko.Herritarrak eguzki-parke txikien bidez hornituko dira energiaz eta kooperatiban parte hartuko dute energia sortzeko eta kudeatzeko.   

Ekiolaren baitan osatuko den lehen energia kooperatiba aitzindaria Azpeitian sortuko da. Eredu publiko komunitario bidez, plaka fotovoltaikoak jarriko dira herriko 400 familia ingururen energia beharrei erantzuteko.

COVIDek eragindako osasun krisiak baldintzatu du bilakaera sektore guztietan 2020KO DATUEN AURRERAPENA Elektrizitatearen etxeko kontsumoak %1,4 egin zuen gora, 2019. urtean izandakoaren aldean, gas naturalarenak, berriz, behera egin zuen. Gasolinen eta gasolioen kontsumoa jaitsi zen. Hala ere, A gasolioa da gehien erabiltzen den erregaia garraioan (guztizkoaren %90). Hegazkingintzako kerosenoren kontsumoak %60 egin zuela behera kalkulatu da.

Aitzindaria den ekinaldi honek, gaur goizean, Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen Saileko sailburuak eta Iñigo Ucín Corporacion Mondragoneko presidenteak aurkeztua, aukera emango die herritarrei parte hartzeko energia berriztagarrien sorkuntzan eta kudeaketan, udalerrietan eta eskualdeetan instalatuko diren eguzki parkeen bitartez. Ekiola lankidetza publiko-pribatuari esker eratu da, EEE Energiaren Euskal Erakundearen eta Corporación Mondragonen barneko KREAN ingeniaritza sustatzailearen artean, Euskadin energia berriztagarrien aldeko proiektu garrantzitsuetan bazkide direnak lehendik, hala nola Ekian eta Ekienea izenekoak, bertan sortutako eta ekonomikoki bideragarri diren energia baliabideak ustiatzen ari diren egitasmoak, hain zuzen ere. 

Manasluko igoerak balio humanitario nabarmena izango du, izan ere, 50 eguzki bonbilla inguru emango zaizkie inguruko familiei. Oinarrizko kanpalekua eguzki-energiaz elikatuko da soil-soilik bi instalazioren bidez, eta horietako bat Nepalgo ikastetxe bati emango zaio espedizioa amaitzean.

Aixeindar sozietateak, Euskadin proiektu berriztagarri berriak sortzeari begira eratutakoak, dagozkien administrazio instantzietan lau eskaera aurkeztu ditu, egitasmo berriztagarrien tramitazio lanei ekiteko xedez; zehazki, 250 MW-eko potentzia instalatua izango duten parke eolikoak eraikitzeko, Arabako lurraldean. Hain zuzen ere,  horiek izango dira sozietate horrek egingo dituen lehen jarduerak, Euskal Autonomia Erkidegokoan energia berdearen sorkuntzaren aldeko apustua sendotu nahian, betiere Energia Trantsizioaren helburuetan aurrerapausoak emate aldera. Instalatutako potentzia berri horri esker, gure erkidegoan instalatutako ahalmen eolikoa ia hirukoiztu egingo da; izan ere, gaur egungoa 153 MW-ekoa da.