Dirulaguntzak

Jardunaldiak eta albisteak

Albisteak

Bilbao Petronor Eko Rallyearen bigarren edizioa Bilbon jokatuko da urriaren 1etik 3ra bitartean

Bizkaiko Motorzaleen Errege Elkarteak antolatu du Petronorren eta Bilboko Udalaren babespean eta Energiaren Euskal Erakundearen, Lurautoren eta IBILen laguntzaz Eko rallyea deritzon proban gidatzearen eraginkortasuna baloratzen da, batez besteko zenbait abiadurari eta kontsumo baxuei eusteko gaitasuna puntuatuz Aurten berrikuntza gisa ibilgailu elektrikoek eta hibridoek baino ez dute parte hartuko, eta dagoeneko 55 ibilgailu elektriko eta 5 hibrido izen-emanda daude Horiek guztiek 400 kilometro egin beharko dituzte hiru etapatan, irteera eta helmuga Guggenheimeko zelaigunean daudela, eta bertan, aldi bereko jarduerak antolatuko dira publikoarentzta asteburu osoan Ostiraleko eta larunbateko etapak puntuagarriak izango dira Energia Alternatiboen Espainiako Lehiaketarako eta FIA e-Rally Regularity Cup munduko txapelketarako Igandean lehenengo aldiz Bilbao 30 proba egingo da, hiriko kaleetan zehar egindako gidatze jasangarria saritzeko

Gehiago irakurri →

Itsas zabaleko industriarako saiakuntzak egiteko laborategirik handiena sortu du TECNALIAk

Biscay Marine Energy Platform-en (BiMEP) 2018an martxan jarri zuen plataformaren arrakasta ikusita, TECNALIA ikerketa eta garapen teknologikoko zentroak HarshLab laborategiaren bertsio berri bat garatu du, Europan bakarra eta bestea baino handiagoa eta prestazio eta ahalmen hobeak dituena. Laborategiaren konexio elektrikoari eta datu-konexioari esker, aukera emango du ekipamenduen saiakuntzak egiteko bertan martxan daudela, baita laginak itsas hondora jaisteko ere Hala, enpresek era fidagarrian iragarri ahal izango dute zer portaera izango duten sistemek itsas ingurunean; horrek eragina du sistema horien erabilera-segurtasunean, eta haien balio-bizitza luzatzen du. Itsas zabaleko industriaren beharrei erantzungo die horrela HarshLabek, eta haien lehiakortasuna hobetuko du Gaur goizean aurkeztu da laborategia Bilboko Portuan, eta ekitaldian izan dira Laborategi berezi hau bakarra da Europan; haren aurreko bertsioak 20 enpresari baino gehiagori eman die zerbitzua, eta material berrien garapenarekin eta itsas inguruneko fouling, korrosio eta zahartzearekin lotutako saiakuntzak egin dira han

Gehiago irakurri →

ASTEKLIMAren bigarren edizioak euskal herritarrak mobilizatu nahi ditu klima-aldaketaren aurrean

Publiko guztientzako 200 jarduera inguruk osatuko dute Euskadiko Klima eta Energiaren Astea herritarren agendan energia- eta klima-trantsizioaren erronka jartzeko Ekimenak –tailerrak, jardunaldiak, bisitak, erakusketak...– irailaren 24tik urriaren 3ra bitartean egingo dira Euskadiko lurralde osoan Gobernu Kontseiluak 3.480.000 euroko diru-laguntza lerro bat onartuko du bihar garapen jasangarria sustatzen duten tokiko ekintzetarako

Gehiago irakurri →

Nortegasek eta Energiaren Euskal Erakundeak kontagailu adimendunen sarea zabalduko dute Alonsotegin

Bidegas II proiektuaren bidez, Alonsotegiko kontagailuak ordezkatuko dira. Hala, kontagailu digital berriak jarriko dira, enpresa banatzaileari ezinbesteko informazioa emango diotenak. Aldi berean, kontagailuok alarmen berri emango dute berehala eta urrutitik erabiltzea ahalbidetuko dute, matxura edo ihes baten ondorioz hornidura moztu behar denean. Ondorioz, kontsumoa modu eraginkorragoan eta seguruagoan kudeatu ahalko da. Gas-sarea digitalizatzeko beste pauso bat da proiektua eta jarraipena emango dio Nortegasek 2019 eta 2020 bitartean Energiaren Euskal Erakundearen babesarekin Ugao-Miraballesen arrakastaz gauzatutako Bidegas I proiektuari. Irailean abiaraziko da Bidegas II, Alonsotegin 752 kontagailu, detektagailu eta kontzentragailu instalatzen direnean, urritik aurrera datuak jaso ahal izateko. Sei hilabete iraungo du proiektuak.

Gehiago irakurri →

Mutrikuko olatuen energia plantak hamar urtez ekoizpen berriztagarria sortzen

Mutrikuko olatuen energia plantak hamar urte bete ditu etengabeko sorkuntzan. Haren motako merkataritza plantarik zaharrena da munduan eta funtzionamenduan ordu gehien emandakoa. Mutrikuko kaiko babes-dikean kokatutako 16 turbinak osatzen dute, olatuen mugimenduaz baliatuta energia elektrikoa sortzen dutena. Elektrizitate hori guztia banaketa sare orokorrera bideratzen da, geroago kontsumitzeko. Gaur egun, instalazio hori BiMEPena (Biscay Marine Energy Platform) da, Euskadiko itsas energiak probatzeko zentroa. Gainera, zentro horrek Armintzako itsaso zabalean beste instalazio batzuk kudeatzen ditu, sorkuntza elektriko flotagarriari lotutako gailuak ikertzeko.

Gehiago irakurri →

7.000 euroko dirulaguntza ibilgailu elektrikoak erosteko

MOVES III laguntza-programa berria Euskadin   Moves III programak 16,4 milioi euroko zuzkidura dauka hasiera batean, handi daitekeena, horietatik 9 milioi ibilgailu elektrikoetarako eta 7,4 kargatze-azpiegituretarako. Ibilgailu elektriko entxufagarriek eta erregai-pila bidezkoek jasoko dute laguntza, baita kargatze-puntuen ezarpenak ere. Beren ibilgailu zaharra txatar bihurtzen duten pertsonek eta kolektibo espezifikoetako kideek laguntza handiagoak jasoko dituzte. Eskaerak aurkezteko epea datorren irailaren 28an irekiko da, www.eve.eus webgunean.

Gehiago irakurri →