Suspertze, Eraldatze eta Erresilientzia Planaren turismo-establezimenduetarako inbertsioetarako eta sektore horri lotutako beste jarduera ekonomiko batzuetarako ekipamendua berritzeko laguntza-programa – Europar Batasunak finantzatua – NextGenerationEU

MRR aitorpenak eskatu badizkizute, deskarga hauek eskuragarri dituzu:

MRR aitorpenak pertsona fisikoentzat

MRR aitorpenak pertsona juridikoentzat

EAEn dauden turismo-establezimenduen eta sektore horrekin lotutako jarduera ekonomikoak dituzten enpresen energia-efizientzia areagotzea da programa honen helburua.

Laguntzen azken pertsona hartzaileak

Honako hauek izango dira laguntza-programa honen 4. oinarrian identifikatutako jarduketan egiteagatiko laguntzen azken pertsona hartzaileak, betiere pertsona horiek egoitza fiskala Espainian badute.

Concretamente, serán personas destinatarias últimas de las ayudas:

1. a) Euskadiko turismoari buruzko 13/2016 Legean ezarritako definizioaren arabera EAEn dauden “turismo-ostaturako establezimenduetako” edo turismo-sektoreari lotutako bestelako jarduera ekonomikoetako egungo eraikinetako, eraikin horien zatietako edo lokaletako jabeak diren izaera pribatuko pertsona fisiko edo juridikoak:
   Salbuetsita daude turismo-erabilerarako etxebizitzak eta turismo erabilerarako etxebizitza partikularretako geletako ostatua, Euskadiko turismoaren 13/2016 Legean definitutakoak.
2. b) Turismo-ostaturako edo turismo-sektoreari lotutako beste jarduera ekonomiko batzuetarako eraikinen, eraikin horietako zatien edo lokalen enpresa ustiatzaile, errentatzaile edo emakidadunak.

Jarduketa subentzionagarriak eta hautagarritasun-aldia

Diruz lagundu daitezkeen bi jarduera mota aurreikusten dira:

• 1.motako jarduketa: Ekipamendu eta etxetresna elektrikoen ordezpen-jarduketak.

Sukalde-ekipamendua, garbitzeko eta lehortzeko ekipamendua, hozteko eta izozteko ekipamendia eta establezimenduetako hondakinak aurrezteko ekipamendua eta hondakin horien zirkulartasuna sustatzen duten ekipoak aurreikusten dira.

• 2.motako jarduketa: Argiztapen-instalazioen energia-efizientzia hobetzeko jarduketak.

Luminariak, lanparak eta haien ekipo osagarriak; b)    Bertako kontrola, urrutiko kontrola edo kontrol automatikoa ahalbidetzen duten sistema eta elementuak, argiztapen-maila pizteko eta erregulatzeko bitartekoen bidez; domotika; monitorizazio-sistemak; eta, azkenik, energia kudeatzeko sistemak aurreikusten dira.

Eskaera onartzeko ezarritako hautatzeko aldiari dagokionez, 2025eko urtarrilaren 1eko edo ondorengo datarekin hartutako, instalatutako, fakturatutako eta ordaindutako dirulaguntzako jarduketak soilik onartuko dira. Horregatik, eskatuko da jarduketa subentzionagarriaren egikaritzeari dagozkion fakturen eta ordainagiriak 2025eko urtarrilaren 1ekoak edo ondorengoak izatea.

Laguntzen zenbatekoa

Laguntza-eskaerako gutxieneko kostu hautagarria: 2.000 euro.

Gutxieneko kostu hautagarria (BEZik gabe) 1. motako jarduketaren barruan erositako ekipo bakoitzeko: 300 euro.

Pertsona hartzaile bakoitzeko gehienezko diru-laguntza: Subvención máxima por beneficiario/a: 300.000 eurora arte, laguntza-deialdi honetan jatorria duten laguntzen batuketarekin.

Kostu subentzionagarriarekiko laguntzaren ehuneko totala:  90%.

Bateragarritasun-erregimena beste dirulaguntzekin

Laguntza-programa honen esparruan emandako laguntzak, helburu bererako eman daitezkeen beste edozein dirulaguntza, laguntza, diru-sarrera (EAZ Energia Aurrezpeneko Ziurtagiriak,…) edo baliabiderekin bateraezinak izango dira, edozein administraziotik edo erakunde publiko edo pribatutatik datozenak, nazionalak, Europar Batasunekoak edo nazioarteko erakundeetakoak.

Indarraldia (eskabideak aurkeztu eta justifikatzeko)

Laguntza-programa honetarako laguntza-eskaerak aurkezteko epea programa honen deialdia Euskal Herriko Agintaritzaren Aldizkarian (aurrerantzean “EHAA”) argitaratu eta hurrengo laneguneko 08:00etan hasiko da eta aurrekontua agortzen den unean amaituko da.

Nolanahi ere, aurrekontu eskuragarririk egon zein ez, laguntza-eskaerak aurkezteko epea 2025eko abenduaren 31n amaituko da, asteazkenez, deialdian aurrekontu eskuragarririk balego ere.

Laguntza ematen duen ebazpenaren egunetik zenbatzen hasi eta sei (6) hilabeteko gehieneko epean eta, betiere, inoiz ez 2026ko apirilaren 30a baino geroago, onuradunek  erabat egikarituta, fakturatuta, ordainduta eta justifikatuta behar dituzte izan dirulaguntzako jarduketak.

Guztizko aurrekontua

6.000.000 euro.

Informazio telefonoa

Erabiltzaileen Arretarako Zerbitzua zenbaki honetan hartuko zaituzte 946.620.600

  EBAZPENA, 2025eko ekainaren 25ekoa, Energiaren Euskal Erakundeko zuzendari nagusiarena, suspertze, eraldatze eta erresilientzia planaren turismo-establezimenduetarako ekipamendua
berritzeko inbertsioetarako eta sektore horri lotutako beste jarduera ekonomiko batzuetarako
laguntza-programaren oinarri arautzaileak onartzen, deialdia egiten eta argitaratzen dituena –
Europar Batasunak finantzatua – NextGenerationEU.