Zerbitzuen Karta honek jasotzen ditu Energiaren Euskal Erakundeak kudeatzen dituen laguntza-programetan herritarrei eskaintzen dizkien zerbitzuak, bai bere funtsekin, bai Europar Batasunetik datozenekin, eta zerbitzu horien prestazioari lotutako kalitate-konpromisoak ezagutarazten ditu, etengabeko hobekuntzaren kultura aplikatzeko asmo sendoarekin.
Energiaren Euskal Erakundea, Eusko Jaurlaritzako Industria, Trantsizio Energetikoa eta Jasangarritasun Sailaren mendeko zuzenbide pribatuko erakunde publikoa, Eusko Jaurlaritzaren energia-agentzia da. Bere misioa honako hau da:
- Euskadiko energia-estrategiak proposatzea, horniduraren bermea, kostuen lehiakortasuna, jasangarritasuna eta garapen teknologikoa irizpidetzat hartuta.
- Estrategia horien garapenean aktiboki parte hartzea eta haien helburuak lortzen laguntzea.
