Trantsizioa bultzatzen dugu

Eusko Legebiltzarrak 2024ko otsailean onartu zuen Trantsizio Energetikoaren eta Klima Aldaketaren Legea, EAEko Legebiltzarraren gehiengoak hala erabakita. Anbizio handiko helburuak ditu energiaren eraginkortasunari eta aurrezpenari, energia berriztagarriei eta deskarbonizazioari dagokienez, eta datozen hamarkadetan Euskadin izango den energia-sistemaren oinarriak finkatzen ditu lege honek.

Energiaren Euskal Erakundeak zehatz-mehatz aztertzen du Euskadiko energia-kontsumoa, Legean ezarritako helburuak ahalik eta modu eraginkorrenean lortzeko estrategiarik onenak ezartzeko, eta, hala, euskal ekonomia deskarbonizatzen laguntzeko.