Herri-administrazioek funtsezko zeregina dute trantsizio energetikoan, bai eraginkortasuna eta aurrezpena hobetzeko duten tarte handiagatik, bai gizarte osoan eragiteko duten ahalmenagatik. Argiteria modernizatzea, floten mugikortasun jasangarria edo energia berriztagarriak ezartzea, batez ere autokontsumorako instalazioak, bero- eta hotz-sareak eta abar, energia-gastua murriztu eta jasangarritasunarekiko konpromiso instituzionala indartzen duten neurriak dira.
EEEn aurrerapen horiek sustatzen eta laguntzen ditugu, administrazio bakoitzak eraginkortasun- eta eredugarritasun-maila handiak lor ditzan. Bere lidergoa funtsezkoa da: erakunde publiko batek jarduten duenean, herritarrak inspiratzen ditu, sektore pribatua bideratzen du eta efektu biderkatzailea sortzen du. Administrazio eraginkor eta jasangarri batek emisioak eta kostuak murrizteaz gainera, erreferentzia bihurtzen da komunitate osoarentzat.
